Mońǵolııalyq qandasymyz qazaqstandyq kıkboksıng sheberlerin rıngke shaqyrdy
ASTANA. QazAqparat - Kásipqoı kıkbokstan Mońǵolııanyń birneshe dúrkin chempıony, álem chempıonatynyń qola júldegeri Islamallabek Shaıahmetuly 65-70 keli salmaq dárejesinde óner kórsetetin Qazaqstandyq áriptesterin rıngke shaqyrdy, dep habarlaıdy «QazAqparat» tilshisi kaznews.mn portalyna silteme jasap.
Mońǵolııalyq kıkboksshynyń osylaısha, qazaqstandyq áriptesterimen de baǵyn synamaq eken.
«Onyń aıtýynsha, Qazaqstanda kıkboksıng jaqsy damyǵan. Sondyqtan baǵymdy synap kórgim keledi. Qazaqstandyq sportshylar tarapynan usynystar kelip tússe sharshy alańda jekpe-jek ótkizýge daıynmyn, deıdi» dep jazady atalǵan aqparat kózi.
Islamallabek Shaıahmetuly ótken aptada Ulanbatyr qalasynda Mońǵolııanyń úzdik kıkboksshylary arasynda ótken saıysta ekinshi oryn ıelengen.
