Mońǵolııalyq dáriger-onkologtar shymkenttik áriptesterimen tájirıbe bólispek
ShYMKENT. QazAqparat - sáýirdiń 9-y men 11-i aralyǵynda Mońǵolııanyń Ulttyq rak ortalyǵynyń onkolog-dárigerleri Shymkentte sheberlik-sabaqtaryn ótkizbek, dep habarlaıdy QazAqparat Ońtústik Qazaqstan oblysynyń densaýlyq saqtaý basqarmasyna silteme jasap.
Baýyrdaǵy qaterlik isikterdi emdeýdegi ózderiniń tájirıbelerimen hırýrg-gepatologtar Jıgjıdsýren Chınbýren men Mendhargal Adılsaıhan, Mońǵolııanyń eńbegi sińgen dárigeri Ramısh Asaı men rentgen-hırýrg Pýrevbaatar Bat-ıreedýı bólisetin bolady.
Sessııany oblystyq onkologııalyq dıspanserdiń bas dárigeri Sáken Qatbaev ashady.
Sheteldik mamandar lektsııalar men sheberlik sabaqtaryn jergilikti dáriger-onkologtar úshin uıymdastyrmaq.
