Mońǵolııalyq qandasymyz Baıan-Ólgıı aımaǵynyń ákimi qyzmetine taǵaıyndaldy

ASTANA. KAZINFORM – Mońǵolııa premer-mınıstriniń buıryǵymen Baıan-Ólgıı aımaǵynyń ákimi qyzmetine Zańǵar Esentaıuly taǵaıyndaldy. Bul týraly Kaznews aqparat agenttigi habarlady.

Atalǵan BAQ-tyń deregine súıensek, jańadan saılanǵan Baıan-Ólgıı aımaqtyq Azamattar ókilderi Hýralynyń 28 qazan kúngi alǵashqy májilisinde aımaqtyń jańa ákimine Zańǵar Esentaıulynyń kandıdatýrasyn qoldap, Mońǵolııa premer-mınıstrine usynǵan bolatyn.

«Mońǵolııa premer-mınıstriniń ókimimen buǵan deıin eki ret aımaqtyq azamattar ókilderi Hýralynyń depýtaty ári aımaqtyq demokratııalyq partııa basshysy qyzmetin atqarǵan, Samal kompanııasynyń dırektory bolyp jumys istegen Zańǵar Esentaıuly Baıan-Ólgıı aımaǵynyń ákimi bolyp taǵaıyndaldy», - dep jazady mońǵolııalyq BAQ.

Aıta keteıik, buǵan deıin Qazaqstan Mońǵolııaǵa jerserik eksporttaıtynyn jazǵanbyz.