Mońǵolııada Qasym-Jomart Toqaevty saltanatty qarsy alý rásimi ótti
ULAN-BATYR. KAZINFORM - Mońǵolııaǵa memlekettik saparmen barǵan Qasym-Jomart Toqaevty saltanatty túrde qarsy alý rásimi ótti, dep habarlaıdyv Aqorda
Úkimet úıi aldyndaǵy Sýhe-Batyr alańynda qurmet qaraýyly jáne saýyt kıgen salt atty mońǵol jaýyngerleri sap túzep turdy. Qurmet qaraýyly bastyǵynyń raportynan keıin eki eldiń memlekettik ánurandary shyrqaldy, memleketter basshylary bir-birine resmı delegatsııa múshelerin tanystyrdy.
Sodan soń Qasym-Jomart Toqaev Qurmetti qonaqtar kitabyna qoltańba qaldyrdy.
Saltanatty rásimnen keıin prezıdentter kelissóz zalyna bardy.
Sapar aıasynda joǵary deńgeıdegi kelissózder, sondaı-aq birqatar mańyzdy qujatqa qol qoıý josparlanǵan.
Eske salsaq, 28-29 qazan kúnderi Prezıdent Qasym-Jomart Toqaev Mońǵolııaǵa memlekettik saparmen baratynyn habarladyq.
Memleket basshysy Prezıdent Ýhnaagıın Hýrelsýhpen kelissóz júrgizedi. Sondaı-aq Mońǵolııanyń Uly Memlekettik Hýralynyń Tóraǵasy Dashzegvıın Amarbaıasgalanmen jáne Premer-mınıstr Lývsannamsraın Oıýýn-Erdenemen kezdesedi. Myńdaǵan jyldarǵa sozylǵan tarıhı baılanysy bar eki halyqtyń qazir túrli saladaǵy qarym-qatynasy jaqsy deńgeıde. Eki el basshysynyń kezekti kezdesýinde saıası jáne ekonomıkalyq baılanystardy nyǵaıtý jaıy talqylanyp, birqatar kelissóz ótýi múmkin ekeni aıtyldy.
Sonymen qatar Qazaqstan men Mońǵolııaǵa arasyndaǵy uzaq jylǵy baılanys týraly Kazinform tilshisiniń materıalynan oqýǵa bolady.
