Mońǵolııaǵa eskporttalatyn Qazaqstan taýarlarynyń kólemi artady – zań jobasy
ASTANA. KAZINFORM — Parlament Májilisiniń qaraýyna «Bir taraptan Eýrazııalyq ekonomıkalyq odaq pen oǵan múshe memleketter jáne ekinshi taraptan Mońǵolııa arasyndaǵy ýaqytsha saýda kelisimin ratıfıkatsııalaý týraly» zań jobasy engizildi.
- Atalǵan kelisimge 2025 jylǵy 27 mýsymda Mınskide qol qoıyldy. Kelisimniń negizgi maqsaty - Eýrazııalyq ekonomıkalyq odaq elderi men Mońǵolııa arasyndaǵy saýda qatynastaryn damytý jáne nyǵaıtý. Sonymen qatar Qazaqstan taýarlaryn Mońǵolııa naryǵyna shyǵarýǵa qolaıly jaǵdaı jasalady. Osy oraıda Májilistiń Ekonomıkalyq reforma jáne óńirlik damý komıteti zań jobasy boıynsha qorytyndy ázirleýge daıyn, - dedi depýtat Nurtaı Sabılıanov Májilistiń jalpy otyrysynda.
Budan buryn habarlanǵandaı, ótken jylǵy qańtar-qarashadaǵy Qazaqstan men Mońǵolııa arasyndaǵy taýar aınalymy $121,5 mln-ǵa jetken.