Mońǵolııadan shyqqan túıe kerýeni Londonǵa barmaqshy
ASTANA. QazAqparat - Bir top saıahatshy túıe kerýenimen Ulanbatyrdan Londonǵa attandy, dep habarlaıdy QazAqparat MONTsAME-ge silteme jasap.
2017 jyldyń qarasha aıynyń basynda N.Baıgalmaa bastaǵan túrli ulttyń 7 saıahatshysynan quralǵan top alys jolǵa attandy. Olar 12 myń shaqyrym qashyqtyqty basyp ótýge bel býdy.
Qazirgi ýaqytta olar 650 km júrip Baıanhongor (Baıynqońǵyr) aımaǵyna jetti, al sońǵy mejege jetý úshin shamamen úsh jyl qajet.
Ókinishtisi jolda ártúrli sebepterge baılanysty saıahatshylardyń birqatary sapardy jalǵastyra almady.
Baıanhongor aımaǵy ákimshiligi basshysynyń orynbasary B.Batsúúr 3 qańtarda saıahatshylardy qarsy alyp, osy ólkeniń aýmaǵynda kerýenge qajetti kómektiń barlyǵyn jasaýǵa daıyn ekendigin málim etti.
Top jetekshisi N.Baıgalmaanyń aıtýynsha, saıahatshylar Jibek jolynyń boıymen 15 memleketti basyp ótedi. Sharanyń basty maqsaty - mońǵol mádenıetin shetelderde sonyń ishinde Eýropa elderinde nasıhattaý.
