Mońǵolııadan shyqqan saıahatshylar Londonǵa túıemen jetedi
ASTANA. QazAqparat - Mońǵolııada tańǵajaıyp «Ulan-Batyr - London» saıahaty bastalmaq, dep habarlaıdy MONTsAME.
Túıe mingen saıahatshylar 12 myń shaqyrym jol júredi. Mońǵolııa, Germanııa jáne AQSh elderiniń 7 saıahatshysynan quralǵan kerýen 5 qarasha kúni Týýl ózeniniń jaǵalaýynan jolǵa shyǵady. Aldyn ala esepteýlerge qaraǵanda saıahattyń basynan aıaǵyna deıin tolyq júrý úshin 3 jyldaı ýaqyt ketedi. Ashylý rásiminde kerýenshiler top ókilderiniń barlyǵy da álemdi sharlaǵan tájirıbeli saıahatshylar ekenin aıtty.
Kerýenbasy N. Baıgalmaanyń aıtýynsha, saıahatshylar Uly Jibek jolynyń baǵytymen júrip, 15 eldiń aýmaǵynan ótedi. Saıahatty uıymdastyrýdaǵy negizgi maqsat - mońǵol mádenıetin álemge tanytý, sonyń ishinde Eýropa elderine nasıhattaý.
