Mońǵolııadan Shyǵys Qazaqstanǵa deıingi joldy qysqartý usynyldy

ÓSKEMEN. QazAqparat - Baıan-Ólgeı aımaǵynyń ákimi Ǵylymhan Aıp ShQO ákimi Danıal Ahmetovpen kezdesý barysynda Mońǵolııa shekarasynan Shyǵys Qazaqstanǵa deıingi joldy qysqartýǵa usynys jasady, dep habarlaıdy «Qazaqparat» HAA tilshisi ShQO ákiminiń baspasóz qyzmetine silteme jasap.

Qazir Qazaqstanǵa kelý úshin Mońǵolııa turǵyndaryna eki shekarany qıyp ótýine týra keledi, bul ásirese júk tasymaly kezinde qolaısyz. Ǵylymhan Aıp bul máseleniń Baıan-Ólgeı aýdany men Shyǵys Qazaqstan arasyn tikeleı baılanystyratyn kúre joldyń salynýymen sheshiletindigin aıtty.

«Qazir logıstıka salasynda birqatar kúrdeli máseleler bar. Bizge munda kelý úshin aldymen Reseı shekarasynan, odan keıin Qazaqstan shekarasynan ótýge týra keledi. Alaıda, uzaqtyǵy 200 km turatyn jol bar, buryn ol jolmen mal aıdap ótken. Eger sol jol asfalttalsa,  dittegen jerimizge tez ári jaıly jeter edik. Bul eki óńir arasyndaǵy taýar aınalymyna da oń yqpal eter edi», - dedi Ǵ.Aıp.

Danıal Ahmetovtyń aıtýynsha, joldy qysqartý ıdeıasy ózekti, Shyǵys Qazaqstan tarapynan da bul máseleniń sheshilýine barlyq kúsh jumsalatyn bolady.