Mońǵolııadan 1 eshki qansha teńgege satyp alynady – mınıstr jaýaby

ASTANA. KAZINFORM – Mońǵolııadan eshkilerdiń bireýi shamamen 50 myń teńgeden satyp alynýy múmkin. Bul týraly Úkimet otyrysynan keıingi brıfıngte Aýyl sharýashylyǵy mınıstri Aıdarbek Saparov aıtty.

- Úlken jumys istelinip jatyr. Ol kisimen Mońǵolııaǵa (burynǵy Syrtqy ister mınıstri Murat Nurtileý) barǵanda 500 myń eshki alýǵa keliskenbiz. Qazir ol memleket jabyq. Ony ashý úshin biraz qaǵaz qujattaryn daıyndap, bir qolaıly oblysyn tańdaımyz. Ol úshin orynbasarym bastaǵan komıssııa Mońǵolııaǵa baryp, ınspektsııa jasaıdy. Sodan keıin eshkilerdi ákele bastaımyz. Iá, olar túbitti eshkiler. Sondyqtan alamyz degen sharýashylyqtar bar, - dedi mınıstr BAQ ókilderiniń saýalyna oraı.

Onyń atap ótýinshe, eshkiler memleket qarajatyna satyp alynbaıdy. Sharýalarǵa nesıeler beriledi. 

- Abaı, Almaty oblystary eshki satyp alýǵa qyzyǵýshylyq tanytyp otyr. Sondyqtan kelisimshartqa otyrǵannan keıin jetkize bastaımyz. Menińshe, jazǵa taman oryn alady. Óıtkeni, kelisimshartqa otyrýǵa, ınspektsııa jasaýǵa, tekserýge biraz ýaqyt kerek. Eshkini qandaı baǵamen satyp alatynyn sharýalar ózderi kelisedi. Ortasha 50 myń teńgeniń mańaıynda, - dedi Aıdarbek Saparov.

Aıta keteıik, Batys Qazaqstanda 65 qoı-eshki qyrylyp qaldy.