Mońǵolııadaǵy mýzeıde Kóktúrik ımperııasynyń 300-den astam jádigeri saqtaýly tur
ASTANA. QazAqparat - «Hýshýý tsaıdam» mýzeıi Mońǵolııadaǵy Orhon ózeniniń ańǵarynda, Arhanǵaı aımaǵy Hashaat aýylynda ornalasqan. Onda bizdiń zamanymyzdyń VI ǵasyryna tıesili Kóktúrik ımperııasynyń (Túrki qaǵanaty) 300-den astam sırek kezdesetin jádigeri saqtaýly tur, dep habarlaıdy QazAqparat MONTsAME agenttigine silteme jasap.
«Hýshýý tsaıdam» mýzeıi 2010 jyly Mońǵolııa úkimetiniń qaýlysymen qurylǵan.
Bul arheologııalyq zattar qazirgi Hashaat sumynynda (aýyldyq okrýg - avt.)ornalasqan Túrki qaǵanatynyń saıası jáne áskerı qaıratkerleri Bilge qaǵan men Kúltegin memorıaldyq keshenderinen tabylǵan.
Eske salaıyq, túrkiler Eýrazııa qurlyǵynyń tórtten bir bóliginde ómir súrgen ejelgi kóshpeli halyqtardyń biri.
Aıta keterligi, Túrkııa Respýblıkasynyń premer-mınıstri Bınalı Iyldyrym bıyl 7 sáýirde Mońǵolııaǵa jasaǵan resmı sapary kezinde atalmysh mýzeıge barǵan edi.
