Mońǵolııadaǵy qandasymyz Brandenbýrg ýnıversıtetiniń grantyn utyp aldy
ASTANA. QazAQparat - Mońǵolııadaǵy qandasymyz Erkequlan Baǵdatuly Italııanyń Halyqaralyq fızıka jáne matematıka ortalyǵynan, Germanııanyń Brandenbýrg tehnologııalyq ýnıversıtetinen jarııalanǵan doktorlyq dárejedegi oqýǵa grant utyp aldy.
Bul týraly qandastarymyzdyń kaznews.mn saıty habarlady .
«Meniń shetelde halyqaralyq oqý oryndaryna oqýyma jańa múmkindik týdy. Italııadan jáne Germanııadan grant utyp aldym. Qazir Mońǵolııa - Germanııa birlesken Tehnologııalyq ýnıversıtetinde matematıka páninen sabaq berip júrgendikten, Germanııada doktorlyq dárejede oqýdy tańdadym. Brandenbýrgtegi matematıkalyq zertteý jumystaryna ózimniń qoltańbamdy qaldyrsam degen armanym bar. Meni áriptesterim jyly qabyldaıdy degenge senemin», - deıdi Erkequlan Baǵdatuly.
