Mońǵolııadaǵy qandasymyz aýyr atletıkadan el chempıony atandy
ASTANA. QazAqparat - Aqpannyń 3-4 kúnderi jasóspirimder arasynda ótken aýyr atletıkadan Mońǵolııa birinshiliginde qandasymyz Altynbek Molbaıuly altyn enshiledi, dep habarlaıdy QazAqparat.
kaznews.mn saıtynyń málimetinshe, Baıan-Ólgeı sportshylary bir altyn, bir kúmis jáne eki qola júlde alǵan. Aıta keterligi, úsheýi de qazaq balasy. El birinshiligine barlyǵy 190 sportshy baq synap, jasóspirimder arasynan memlekettik 16 rekord jańartylǵan.
Molbaıuly Altynbek 50 keli salmaqta qos saıys boıynsha altyn medal jeńip aldy. Ol julqı kóterý boıynsha 55 kelini, serpe kóterýde 77 kelini kótergen.
Al, +69 keli salmaqta Tilek Erboluly kúmis júldege qol jetkizse, 56 kelide Qyzyr Birjanuly qola medal enshiledi. Qyzdar arasyndaǵy saıysta Araı Talǵatqyzy 53 keli salmaqta qola júldeger atandy.
Aıta keteıik, Baıan-Ólgeı aýyr atletterin Talǵat Muhametqalıuly esimdi qandasymyz jattyqtyrady.
