Mońǵolııadaǵy búrkitshiler festıvaline 10-nan astam elden týrıster jınaldy
Festıvalge Mońǵolııanyń Baıan-Ólgeı, Selene jáne Týv aýmaqtarynan 17-69 jas aralyǵyndaǵy 19 saıatshy qatysyp otyr. Іs-sharany tamashalaýǵa 10 myń adam, sonyń ishinde onnan astam elden týrıster jınalǵan.
MONTsAME agenttiginiń málimetinshe, festıval Naýryz meıramy qarsańynda ótkizilipotyr. Maqsaty – qazaq halqynyń salt-dástúrin, murasy men mádenıetin tanytý, ony jastarǵa dáripteý, sondaı-aq týrısterdi tartý, bos ýaqytty durys ótkizýdi qalyptastyrý.
Onymen qosa, shara barysynda búrkitter sherýi ótedi – ádemi ábzeldermen bezendirilgen atqa qonǵan ulttyq kıimdegi saıatshylar qoldaryna búrkit ustap shyǵady. Budan bólek, qyran quspen balyq aýlaý, eń aqyldy qusty anyqtaý baıqaýy, qazaqtyń ulttyq oıyny – kókpar uıymdastyrylady.
Mońǵolııada qyran qustar festıvali jylyna eki ret – kóktemde jáne kúzde ótkiziledi.
Byltyr atalǵan el úkimeti 2023 jáne 2024 jyldardy Mońǵolııaǵa saıahattaý jyly dep jarııalady. Búrkitshiler festıvali pandemııadan zardap shekken týrıstik sektordy damytýǵa baǵyttalǵan 90-nan astam is-shara tizimine engizilgen.
