Mońǵolııadaǵy ınflıatsııa 2024 jyldyń qyrkúıeginde 6,7 paıyzdy qurady

ASTANA. KAZINFORM – Mońǵolııadaǵy ınflıatsııa 2024 jyldyń qyrkúıeginde 6,7 paıyzdy qurady. Bul týraly sársenbi kúni eldiń Ulttyq statıstıkalyq komıteti habarlady, dep jazdy Sınhýa aqparat agenttigi. 

– Mońǵolııadaǵy ınflıatsııanyń ósýi ımporttyq taýarlar baǵasynyń 32,2 paıyzǵa, bilim berý qyzmetteri – 18,6 paıyzǵa, qoǵamdyq tamaqtaný, jataqhanada turý jáne qonaq úı qyzmetteri – 8,9 paıyzǵa, kıim-keshek, toqyma jáne aıaq kıim – 8,2 paıyzǵa, turmystyq tehnıka jáne elektronıkanyń – 7,6 paıyzǵa ósýimen túsindiriledi, - delingen resmı málimdemede.

Mońǵolııa Ortalyq bankiniń málimetinshe, 2024 jyldyń tamyzynda Mońǵolııada jyldyq ınflıatsııa 6,5 paıyzdy qurady. Bul rette Mońǵolııanyń 3,5 mln halqynyń jartysynan astamy turatyn el astanasy Ulan-Batorda bul kórsetkish 6,2 paıyzǵa deıin tómendegen. 

Azııa damý bankiniń (ADB) qyrkúıektegi boljamyna sáıkes, Mońǵolııa ekonomıkasy 2024 jyly 5,5 paıyzǵa jáne 2025 jyly 6 paıyzǵa ósedi. Bank sarapshylary odan ári ekonomıkalyq ósim qyzmet salalary men ónerkásip, onyń ishinde taý-ken ónerkásibin keńeıtý arqyly qamtamasyz etiletinin atap ótti.