Mońǵolııada jolaýshy poıyzynyń aýdarylýynan 50-den astam adam zardap shekti
ASTANA. QazAqparat - Mońǵolııanyń ońtústik-shyǵysynda jolaýshylar poıyzynyń relsten shyǵyp ketýi saldarynan zardap shekkender sany 56-ǵa jetti, sonyń beseýi hal ústinde jatyr, dep habarlaıdy QazAqparat MONTsAME agenttigine silteme jasap.
Poıyzda barlyǵy 329 jolaýshy bolǵan. Sonyń 146-syna dáriger kómegi kórsetilgen. Ázirge adam shyǵyny joq.
Oqys oqıǵa 12 tamyz kúni Dornogov aımaǵynyń Aırag somony aýmaǵynda bolǵan.
Tolassyz jaýǵan nóser poıyzdyń relsten shyǵyp ketýine ákep soqtyrdy.
Qazirgi kezde apat saldaryn joıý jáne temirjol ınfraqurylymyn qalpyna keltirý jumystary júrip jatyr. Oǵan 500 adam jáne 100 tehnıka tartylǵan.
Qalpyna keltirý jumystaryna reseılik mamandar da shaqyryldy.
Ulanbatyrdan Saınshand qalasyna bara jatqan №286 poıyz relsten shyǵyp, aýdarylǵan týraly keshe habarlanǵan bolatyn.
