Mońǵolııada jyldyq ınflıatsııa 5,7 paıyzǵa jetti
ASTANA. KAZINFORM — Mońǵolııada 2024 jyldyń mamyr aıynda jyldyq ınflıatsııa 5,7 paıyzdy qurady. Bul týraly eldiń Ulttyq statıstıkalyq qyzmeti habarlady, dep jazady Sınhýa agenttigi.
Jyldyq ınflıatsııanyń qalyptasýyna dári-dármektiń, medıtsınalyq qyzmettiń 7 paıyzǵa ósýi tikeleı áser etken. Al, óndiristik taýarlar, alkogolsiz sýsyndar men mıneraldy sýsyndardyń baǵasy 6,7 paıyzǵa sondaı-aq kıim-keshek, tekstıl jáne aıaq kıimniń baǵasy 5,8 paıyzǵa, mebel men turmystyq tehnıka, elektronıka 5,4 paıyzǵa óskeni áser etkeni habarlandy.
Mońǵolııa Ortalyq bankiniń málimeti boıynsha, 2024 jyldyń sáýir aıynda eldegi jyldyq ınflıatsııa 6,4 paıyzdy qurady. Alaıda eldegi 3,5 mıllıon halyqtyń jartysynan astamy turatyn eldiń astanasy Ulan-Batorda bul kórsetkish 6,1 paıyzdy qurady.
Ulttyq statıstıka komıtetiniń málimetine sensek, Mońǵolııanyń jalpy ishki ónimi 2024 jyldyń birinshi toqsanynda ótken jyldyń sáıkes kezeńimen salystyrǵanda 7,8 paıyzǵa ósken.
Bul rette Dúnıejúzilik bank sarapshylary Mońǵolııadaǵy ekonomıkalyq ósim negizinen taý-ken sektoryndaǵy óndiris kóleminiń artýy, jeke tutynýdyń qalpyna kelýi jáne fıskaldyq ekspansııaǵa qatty táýeldilik esebinen bolady dep boljaıdy.
