Mońǵolııada jemqorlyqpen kúres jyly jarııalandy
ASTANA. QazAqparat - Mońǵolııa prezıdenti Haltmaagıın Battýlga «Jemqorlyqqa qarsy kúres jáne jemqorlyq kýágerleri men málimdeýshilerin qorǵaý jylyn jarııalaý týraly» jarlyq shyǵardy. Bul týraly QazAqparat MONTsAME-ge silteme jasap habarlaıdy.
Prezıdent ákimshiliginiń basshysy Z.Enhbold osy jarlyqtyń kóshirmesin Jemqorlyqqa qarsy kúres basqarmasy janyndaǵy Qoǵamdyq keńestiń tóraǵasy G.Baasanǵa tabystady.
Z.Enhbold qujatty tabystaı otyryp, eldegi jemqorlyq pen bılikti asyra paıdalanýdyń ulttyq qaýipsizdikke zııan keltirgenin eske saldy. Prezıdent H.Battýlga osyǵan baılanysty atalmysh jarlyqty shyǵarǵan.
Foto: montsame.mn
