Mońǵolııada úkimet otstavkaǵa ketti
ASTANA. QazAqparat - Mońǵolııa parlamenti Uly Hýral 7 qyrkúıekte shaqyrylǵan kezekti sessııasynda premer-mınıstr J.Erdenebatty otstavkaǵa jiberýdi talqylady. Úkimet basshysynyń ketýin maquldap 73 depýtattyń 42-isi daýys berdi (57,5%), dep habarlaıdy MONTsAME .
Parlamenttiń qaýlysyna sáıkes premer-mınıstr J.Erdenebat jáne ol basqarǵan úkimet tolyq quramda otstavkaǵa ketti. Qazirgi ýaqytta 7 qyrkúıektegi qabyldanǵan Uly Hýraldyń qaýlysy kúshine endi.
Sonymen qatar, Konstıtýtsııa boıynsha premer-mınıstr otstavkasyna oraı mınıstrler kabıneti de tolyq otstavkaǵa ketýi qajet, «Úkimet týraly» zańǵa sáıkes kelesi úkimet basshysyn parlament 30 kúnniń ishinde taǵaıyndaıdy. J.Erdenebat jańa premer-mınıstr taǵaıyndalǵansha óz mindetin ýaqytsha atqarady.
