Mońǵolııada túıe egiz bota tapty
NUR-SULTAN. QazAqparat – Mońǵolııada egiz bota dúnıege keldi. Mundaı jaǵdaı tabıǵatta óte sırek kezdesedi, dep habarlaıdy QazAqparat Mongolnow saıtyna silteme jasap.
Ótken ǵasyrdyń 50-jyldary Mońǵolııa óki órkeshti túıeler sany jóninen álemde kósh bastap turdy. Ol kezde elde 900 myń bas túıe bolǵan. Jalpyulttyq mal sanaǵynyń sońǵy derekterine súıensek, Mońǵolııada 2020 jyldyń jeltoqsanynda 472,9 myń túıe bar.
Mońǵolııada Gov Altaı aımaǵynyń Sharǵa aýylynyń qystaǵynda B. Nıamdorj degen túıeshiniń qorasynda 7 naýryz kúni egiz bota týdy. Túıeniń e giz tól tabýy tabıǵatta óte sırek bolady.
Túıe eki jylda bir ret týady, botasyn 13 aı kóteredi. Kóbinese bir bota ǵana dúnıege keledi, egiz óte sırek. Mońǵolııada egiz bota - jaqsy nyshan sanalady. Jergilikti halyq ony jaıly ýaqyttyń bastalýynyń belgisi dep qabyldaıdy.
