Mońǵolııada týý kórsetkishi 5,7%-ǵa tómendedi
ASTANA. KAZINFORM — 2025 jyly Mońǵolııada týý kórsetkishi 5,7%-ǵa tómendep, ólim-jitim 2,1%-ǵa azaıdy, dep habarlaıdy Montsame.
2025 jylǵy derek boıynsha Mońǵolııada tirkelgen jańa týǵan náresteler sany 56,2 myńdy qurady. Bul aldyńǵy jylmen salystyrǵanda 5,7%-ǵa az.
Ulttyq statıstıka komıtetiniń málimetinshe, jıyntyq týý koeffıtsıenti, ıaǵnı áıeldiń reprodýktıvtik kezeńinde orta eseppen qansha bala dúnıege ákeletinin kórsetetin kórsetkish 2025 jyly 2,4 boldy.
Al ólim-jitimge kelsek, 2025 jyly el boıynsha 19,1 myń adam qaıtys bolǵan. Bul 2024 jylmen salystyrǵanda 2,1%-ǵa tómen. Jalpy ólim koeffıtsıenti, ıaǵnı jyl ishinde halyqtyń ár 1000 adamyna shaqqandaǵy qaıtys bolǵandar sany 2025 jyly 5,4 shamasynda boldy.
Bul kórsetkishter halyq sanynyń ósýi men qurylymyn, sondaı-aq áleýmettik-ekonomıkalyq jaǵdaıdy baǵalaýda mańyzdy statıstıkalyq derekter bolyp sanalady.
Osydan buryn Mońǵolııada áıelder orta eseppen 26 jasta turmysqa shyǵatynyn jazǵanbyz.
