Mońǵolııada turatyn qandasymyz álem chempıonatynyń kúmis júldegeri atandy

ASTANA. QazAqparat – Qazaq qyzy djıý-djıtsýdan álem chempıonatynyń kúmis júldegeri atandy, dep habarlaıdy QazAqparat mońǵolııalyq «Kaznews»-ke silteme jasap.

Atalǵan BAQ-tyń málimetinshe, mońǵolııalyq Qymbat Bataıqyzy Ábý-Dabıde (Birikken Arab Ámirligi) ótip jatqan «World Pro JiuJitsu Championship 2022» jarysynda kók belbeýler arasynda 62 kelige deıingi salmaqta óner kórsetip, álem chempıonatynyń kúmis júldegeri atanǵan. Jarys qarashanyń 19-na deıin jalǵasady.

Qymbat Bataıqyzy buǵan deıin djıý-djıtsýdan 2020 jylǵy mońǵolııadaǵy el birinshiliginde chempıon atanǵan.

Sonymen qatar «Baıan-Ólgıı aımaǵynda týǵan Erǵalı Shámeıuly para dzıýdodan álem chempıony atandy» dep jazdy mońǵolııalyq BAQ.

Álem chempıony atanǵan paradzıýdoshy Erǵalı Shámeıuly Baıan-Ólgıı aımaǵynda týyp, Qazaqstanǵa qonys aýdarǵan.

Ol Ázerbaıjan astanasy Bakýde ótken paradzıýdodan 2022 jylǵy álem chempıonatynyń fınalynda 73 keli salmaqta sátti óner kórsetip, Germanııa sportshysy Sass Lennartty jeńip altyn medal aldy.

Foto: kaznews.mn