Mońǵolııada shetelden kelgen azamattardy oqshaýlaý merzimi qysqartyldy

ULAN-BATYR. MONTsAME-QazAqparat – Memlekettik tótenshe komıssııa shetelden kelgen Mońǵolııa azamattaryn oqshaýlaý merzimi olar kelgen eldiń epıdemıologııalyq jaǵdaıyna baılanysty bolatyny týraly sheshim qabyldady, dep habarlaıdy QazAqparat MONTsAME agenttigine silteme jasap.

Bul týraly koronavırýsqa qatysty Densaýlyq saqtaý mınıstrliginiń baspasóz brıfınginde Úkimettiń baspasóz qyzmetiniń basshysy Ts.Ganzorıng bylaı dep málimdedi: «Mońǵolııada shetelden kelgen mońǵol azamattaryn oqshaýlaý merzimi qysqartyldy. Degenmen, COVID-19-dyń jańa mýtatsııalanǵan túri taraǵan aımaqtar bar. Osyǵan baılanysty Densaýlyq saqtaý mınıstrligi Ulybrıtanııa, Ońtústik Afrıka elderi jáne Brazılııadan oralǵan azamattarǵa 14 kúndik oqshaýlaý qajet dep esepteıdi. Basqasha aıtqanda, koronavırýstyń jańa túri taraǵan aımaqtardan kelgen azamattar 14 kún, al basqa elden kelgender 10 kún oqshaýlanady».

«Eger Mońǵolııa azamaty shetelde koronavırýsqa qarsy ekpe alsa, biz COVID-19-ǵa qarsy vaktsınatsııa týraly sertıfıkattyń bar-joǵyn tekseremiz. Osyǵan baılanysty vaktsınatsııa týraly sertıfıkaty bar azamattar 7 kún oqshaýlanady jáne antıdene anyqtalsa, úıine jiberiledi», - dep málimdedi Juqpaly aýrýlar ulttyq zertteý ortalyǵy Monıtorıng jáne zertteý bóliminiń basshysy A.Ambaselmaa.