Mońǵolııada prezıdenttik saılaý bastaldy
ASTANA. 26 maýsym. QazAqparat - Mońǵolııada prezıdenttik saılaý bastaldy, memleket basshysynyń oryntaǵy úshin úsh úmitker talasýda.
Halyq arasynda júrgizilgen saýalnamanyń qorytyndysyna qaraǵanda, qazirgi prezıdent Tsahıagıın Elbegdorj kósh bastap tur. Bul týraly RosBıznesKonsaltıng jazady.
Burynǵy tilshi jáne Monǵolııada kommýnıstik tártipke núkte qoıǵan beıbit revolıýtsııanyń kóshbasshysy Ts. Elbegdorj alǵash ret prezıdenttik qyzmetke 2009 jyly saılandy. Oǵan deıin ol úkimet basshysy qyzmetin atqarǵan bolatyn.
Qazirgi prezıdenttiń qarsylastary Mońǵolııa halyqtyq partııasynyń múshesi Bat-Erdene Badmaanıambýýgıın jáne densaýlyq saqtaý mınıstri, Mońǵolııa halyqtyq revolıýtsııalyq partııasynyń ókili Natsagıın Ýdval bolyp tabylady.
