Mońǵolııada prezıdent saılaýyna 2 mln.-ǵa jýyq adam qatysady
ASTANA. QazAqparat - Mońǵolııa prezıdentiniń saılaýyna daıyndyq jumystary tolyǵymen aıaqtaldy. Bul týraly jeksenbi kúni ótken baspasóz máslıhatynda Bas saılaý komıtetiniń jetekshisi Choınzongıın Sodnomtseren málim etti. Onyń aıtýynsha, saılaýǵa qatysýǵa 1,978 mln adam tirkeldi, dep habarlaıdy QazAqparat «TASS» agenttigine silteme jasap.
«Saılaýǵa daıyndyq tolyǵymen aıaqtaldy, 25 myń sheneýnik saılaý kezinde jumys isteıtin bolady. Bıýlletender avtomatty túrde sanalady, degenmen, olardyń 50 paıyzy saılaýdan keıin qolmen sanalady», - dep atap ótti komıtet jetekshisi. «Barlyq 1983 saılaý ýchaskisine kameralar ornatyldy, polıtsııa qaýipsizdikti qamtamasyz etetin bolady», - dep qosty ol.
Onyń atap ótýinshe, 10-11 maýsym kúnderi shetelde tirkelgen 7,2 saılaýshynyń 66,8 paıyzy aldyn ala daýys berdi. «Daýys qorytyndysy bar konvert (aldyn ala daýys berýdiń) 26 maýsym kúni saǵat 22.00-den keıin ashylady», - dedi Choınzongıın Sodnomtseren.
2017jyly qazirgi memleket basshysy, Demokratııalyq partııanyń ókili Tsahıagıın Elbegdorjanyń ekinshi prezıdenttik merzimi aıaqtalady. Sondyqtan ol óz kandıdatýrasyn qaıta shyǵara almaıdy.
