Shahmattan Azııa chempıonatynda Qazaqstan namysyn kimder qorǵap jatyr
ASTANA. KAZINFORM — 29 mamyr men 6 maýsym aralyǵynda Mońǵolııa astanasy Ulan-Batyr qalasynda shahmattan erler men áıelder arasyndaǵy 21-shi Azııa chempıonaty (21st Asian Continental Chess Championships) ótedi.
Qazaqstan shahmat federatsııasy baspasóz qyzmetiniń málimetinshe, týrnır jeńimpazdary 2027 jyly ótetin Álem kýbogyna qatysý joldamasyna ıe bolady.
Ashyq birinshilikke (Open) qatysý úshin 28 elden 147 sportshy tirkelgen, onyń ishinde 34 grossmeıster men 38 halyqaralyq sheber bolsa, al áıelder týrnırinde (Women) 17 elden 101 shahmatshy baq synaıdy, olardyń qatarynda 10 halyqaralyq sheber jáne 11 áıelder grossmeısteri bar.
Týrnırdiń reıtıng-favorıtteri — qytaılyq sýpergrossmeıster ıÝı ıAnı (2714) jáne onyń otandasy, 2025 jyldyń Azııa chempıony, halyqaralyq sheber Sýn ıÝısın (2462).
Erler arasyndaǵy Top-10 tizimine Alekseı Grebnev (2625, FIDE), Adıtıa Mıttal (2619, Úndistan), Sıýı Sıanıýı (2611, Qytaı), Arsenıı Nesterov (2599, FIDE), 2025 jyldyń Azııa chempıony Bardııa Daneshvar (2596, Iran), Pranav Anand (2596, Úndistan), Evgenıı Naıer (2594, FIDE), Davıd Paravıan (2593, FIDE) jáne Tın Tszınıao (2589, Sıngapýr) syndy grossmeısterler kirdi.
Áıelder arasynda Sýn ıÝısınmen birge úzdik ondyqta WGM Anna Shýhman (2456, FIDE), IM Lıý Mıaoıı (2435, Qytaı), WGM Afrýza Hamdamova (2423, Ózbekstan), IM Merýert Kamalıdenova (2389, Qazaqstan), IM Savıta Shrı Baskar (2374, Úndistan), WGM Ámına Qaıyrbekova (2374, Qazaqstan), IM Vantıka Agraval (2367, Úndistan), IM Anastasııa Bodnarýk (2361, FIDE) jáne WIM ıAn Tıantsı (2360, Qytaı) bar.
Kamalıdenova men Qaıyrbekovadan bólek, chempıonatqa basqa da qazaqstandyq shahmatshylar qatysyp jatyr: GM Álisher Súleımenov (2507), FM Sultanbeıbarys Dýmanuly (2257), FM Erlan Tleýhanov (2208), WGM Ksenııa Balabaeva (2355), WIM Elnaz Qalıahmet (2314), WIM Zarına Nurǵalıeva (2279) jáne WFM Marııa Holıavko (2202).
Týrnırler shveıtsarııalyq júıe boıynsha 9 týrdan turady. Ýaqyt baqylaýy — klassıkalyq: alǵashqy 40 júriske 90 mınýt, odan keıin partııa sońyna deıin 30 mınýt jáne birinshi júristen bastap ár qadam saıyn 30 sekýnd qosylady.
— Jarystyń jalpy júlde qory 100 000 AQSh dollaryn quraıdy (erler arasynda — 60 000 dollar, áıelder arasynda — 40 000 dollar), onyń ishinde jeńimpazdar tıisinshe 15 000 jáne 12 000 dollar syıaqy alady, — delingen habarlamada.
Buǵan deıin elordalyq jasóspirim shahmattan Qazaqstan chempıony atanǵanyn jazǵan edik.
