Mońǵolııada ótetin Grand Slam jarysyna qatysatyn Qazaqstan dzıýdo quramasy anyqtaldy

ASTANA. QazAqparat – 23-25 maýsym aralyǵynda Mońǵolııa astanasy Ulanbatyrda dzıýdodan Grand Slam týrnıri ótedi, dep habarlaıdy QazAqparat tilshisi.

Qazaqstan dzıýdo federatsııasynyń baspasóz qyzmetinen málim etkendeı, aıtýly dodada baq synaıtyn el quramasy anyqtaldy.

Ulanbatyrdaǵy jarysta Qazaqstannan 17 sportshy el namysyn qorǵaıdy.

Erler:

1. Nurqanat Serikbaev (-60kg)

2. Sherzod Davlatov (-60kg)

3. Ǵumar Qyrǵyzbaev (-66kg)

4. Ǵusman Qyrǵyzbaev (-66kg)

5. Danııar Shamshaev (-73kg)

6. Jansaı Smaǵulov (-73kg)

7. Rýslan Musaev (-81kg)

8. Abylaıhan Jubanazar (-81kg)

9. Ermahan Ánýarbekov (-90kg)

10. Aıan Baıǵazy (-90kg)

11. Nurlyhan Sharhan (-100kg)

12. Bekzat Shaǵataev (-100kg)

13. Ádil Orazbaev (+100kg)

14. Nursultan Qablan (+100kg).

Áıelder:

1. Ǵalııa Tynbaeva (-48 kg)

2. Arýna Jangeldına (-78 kg)

3. Kámıla Berliqash (+78 kg).

Atalǵan dodaǵa 45 elden 350 dzıýdoshy qatysady dep josparlanǵan.

Saıys qorytyndysynda IJF erejelerine sáıkes jeńimpazdar men júldegerler álemdik jáne olımpıadalyq reıtıngter upaıyna ıe bolady.

Atap aıtqanda, chempıondarǵa 1000, kúmis júldegerge – 700, al 3 oryn úshin 500 upaıdan beriledi.

Eske sala keteıik, budan buryn Qazaqstan Barysy Grand Slam jarysyn Qazaqstan quramasynyń 7 medalmen qorytyndylaǵanyn jazǵan bolatynbyz.