Mońǵolııada mal sany 58,1 mln-ǵa jetti

ASTANA. KAZINFORM — 2025 jyldyń sońyna qaraı Mońǵolııadaǵy jalpy mal sany 58,1 mln-ǵa jetti, dep habarlaıdy Montsame.

 Bul ótken jylmen salystyrǵanda 445,1 myńǵa, nemese 0,8 paıyzǵa kóp. Bul týraly 7–17 jeltoqsan aralyǵynda búkil el boıynsha júrgizilgen úı maly boıynsha júrgizilgen sanaqtyń aldyn ala qorytyndysyn jarııalaǵan Mońǵolııanyń Ulttyq statıstıka komıteti habarlady.

Aldyn ala sanaq nátıjelerine sáıkes, jylqy sany eń kóp ósim kórsetip, 5,1 mln-ǵa nemese 9,5 paıyzǵa artqan. Sıyr sany 5,4 mln-ǵa jetip, 7,2 paıyzǵa ósti; túıe sany 501,3 myńǵa deıin kóbeıip, 4,3 paıyz boldy; eshki sany 23,2 mln-ǵa jetip, 1,1 paıyzǵa artty. Al qoı sany bıyl 23,9 mln, ótken jylmen salystyrǵanda 2,6 paıyzǵa azaıǵan. Jalpy mal sharýashylyǵyn qoı – 41,1%, eshki – 39,9%, sıyr – 9,4%, jylqy – 8,8%, túıe – 0,9% úleske ıe.

Aldyn ala derekter boıynsha, el aımaqtary ishinde Hóvsgól aımaǵy 5,3 mln malmen birinshi orynda tur. Odan keıin Óvórhangaı – 5,1 mln, Arhangaı – 4,4 mln, Baıanhongor – 4,2 mln jáne Týv aımaǵy – 4,1 mln bas kórsetkishimen kelesi oryndardy ıelengen.

Ómnógov, Súhbaatar, Baıanhongor, Arhangaı, Hentıı, Dornogov, Dýndgov, Hóvsgól, Dornod, Govsúmber, Zavhan aımaqtarynda jáne Ýlaanbaatar qalasynda mal sany 10 300-den 325 myńǵa deıin artqan.

Al Selenge, Ývs, Hovd, Gov-Altaı, Baıan-Ólgıı, Darhan-Ýýl, Týv, Orhon, Býlgan jáne Óvórhangaı aımaqtarynda mal basy 6 300-den 354 500-ge deıin qysqarǵan.

Eldegi eń kóp mal Hentıı aımaǵyndaǵy Ómnódelger somonynda tirkelgen – 532,1 myń.

Sonymen qatar, el boıynsha tirkelgen 313 myń malshynyń 58 paıyzy, ıaǵnı 182,8 myńy – er adam, al 130,2 myńy – áıel. Barlyq malshyyń n22 paıyzy 35 jasqa deıingiler ekeni anyqtalǵan.

Aıta ketelik Mońǵolııada dástúrli kıim men áshekeılerge arnalǵan arnaıy kórme ashylǵany týraly jazǵan edik.