Mońǵolııada kitap oqýdy nasıhattaıtyn ulttyq mereke ótti
ASTANA. KAZINFORM — Jyl saıynǵy «Ulttyq mádenıet pen kitap kúnderi — 2025» merekesi el kóleminde 18–21 qyrkúıek aralyǵynda atalyp ótti, dep habarlaıdy Montsame.
Atalǵan mereke Mońǵolııa prezıdentiniń 2012 jylǵy № 158 jarlyǵy men «Memlekettik merekeler men ataýly kúnder týraly» Zańynyń 5.1.17-babyna sáıkes uıymdastyrylady.
Kúzgi «Ulttyq mádenıet pen kitap kúnderi — 2025» merekesi aımaqtar men somondardyń ortalyq alańdarynda ótti. Sharany 21 aımaqtaǵy Mádenıet, sport, týrızm jáne jastar isteri jónindegi aımaqtyq basqarmalar, mádenı uıymdar, mádenıet ortalyqtary men kitaphanalar uıymdastyrdy.
Sonymen qatar Ulan-Batyr qalasynda da astanalyq Mádenıet jáne óner basqarmasyna qarasty mekemeler men ortalyqtar, sondaı-aq tıisti ortalyq jáne úkimettik emes uıymdar belsendi túrde qatysty.
Bul jyl saıynǵy merekeniń maqsaty — kópshilik arasynda kitap oqýdy nasıhattaý, kitap qory men ádebı murany keńeıtý, balalardyń bilim alýǵa degen yntasyn arttyryp, bilimmen bólisý mádenıetin qalyptastyrý.
Mereke aıasynda kitap oqýdy dáripteýge arnalǵan túrli is-sharalar ótti. Atap aıtqanda, ádebı keıipkerlerdiń kostıýmindegi sherý, kitap jármeńkeleri, jazýshylarmen kezdesýler, poezııa oqý keshteri, jańa kitaptardy jeńildikpen satý, úzdik kitaptar kórmesi jáne «Oqylǵan kitaptardy almastyraıyq» atty aktsııa uıymdastyryldy.
Budan buryn Mońǵolııada 30 eldiń úzdik sadaqshylary bas qosatyny málim boldy.