Mońǵolııada qoı qyrqý boıynsha álemdik saıys ótpek
ASTANA. KAZINFORM — Mońǵolııada alǵash ret «Altyn qaıshy – 2025» atty qoı qyrqý boıynsha halyqaralyq baıqaý ótedi, dep habarlaıdy Montsame.
Іs-sharanyń negizgi maqsaty – mal sharýashylyǵy salasyna ozyq ádisterdi, jabdyqtar men tehnologııalardy engizý, sondaı-aq janýarlardan alynatyn shıkizatty daıyndaý sapasyn arttyrý.
Baıqaý Mońǵolııa Prezıdenti Ýhnaagıın Hýrelsúhtiń bastamasymen 2025 jylǵy 20–21 maýsym aralyǵynda ótedi.
Qoı qyrqý boıynsha halyqaralyq baıqaýlar álemniń ártúrli elderinde 1961 jyldan beri uıymdastyrylyp keledi. Al alǵashqy álem chempıonaty 1977 jyly ótken jáne sodan beri ár eki-úsh jyl saıyn turaqty túrde ótkizilip keledi.
Halyqaralyq deńgeıde baıqaý eki sanat boıynsha ótedi: «jún presteýshi» jáne «jún suryptaýshy». Mońǵolııada kásibı qoı qyrqýshylardy daıyndaý 2022 jyly bastalǵan. Búgingi tańda bul salada 28 adam kásibı biliktilikke ıe boldy.
Buǵan deıin habarlanǵandaı, Ulan-Batyrdyń ortalyq alańynda Mońǵolııanyń egizder qaýymdastyǵynyń 35 jyldyǵyna arnalǵan merekelik sherý ótti.