Mońǵolııada «Kóshpendi» dúnıejúzilik festıvaline 400-den asa sportshy qatysady

ASTANA. KAZINFORM — 22–24 tamyz kúnderi Mońǵolııa astanasynyń Nalaıh aýdanyndaǵy Taıj Haırhan taýynyń eteginde «Kóshpendi» atty dúnıejúzilik mádenı festıval ótedi, dep habarlaıdy Montsame.

Festıval aıasynda tórt dástúrli sport túri boıynsha jarystar uıymdastyrylady: ulttyq kúres, jamby atý (jebemen atý), asyq oıyny jáne at jarysy.

Bul jarystarǵa 400-den astam sportshy tirkelgen. 

Al at jarysyna 100-den astam jylqy qatysady dep kútilip otyr.

Baǵdarlamada sporttyq jarystardan bólek, kórsetilimder, sheberlik sabaqtary men trenıngter, sondaı-aq kórermenderge arnalǵan ashyq týrnırler (kúres, sadaq atý jáne asyq oıyny boıynsha) josparlanǵan.

Osyǵan deıin Qyrǵyzstanda ótetin VI Dúnıejúzilik kóshpendiler oıyndarynyń resmı saıty jaqynda iske qosylatyny aıtyldy.