Mońǵolııada koronavırýsqa shaldyqqandar sany 5-ke jetti
ULANBATYR. MONTsAME-QazAqparat – 17 naýryz kúni jergilikti ýaqyt boıynsha saǵat 19:24-te Mońǵolııa Densaýlyq saqtaý mınıstrligi elde koronavırýs juqtyrýdyń besinshi oqıǵasy tiirkelgeni týraly shuǵyl habarlama taratty. Bul týraly Montsame agenttigine silteme jasaǵan QazAqparat habarlaıdy.
Mońǵolııanyń 30 jastaǵy azamatshasynan koronavırýs ınfektsııasy anyqtalǵan. Ol 16 naýryzda Italııadan arnaıy reıspen Germanııa arqyly ushyp kelgen, qazirgi kezde ınfektsııalyq aýrýlardy Ulttyq zertteý ortalyǵynda karantınde jatyr. Qazirgi kezde naýqastyń jaǵdaıy turaqty jáne ol Germanııadan Ulanbatyrǵa ushyp qonǵan áýe kemesindegi birinshi deńgeıli naýqaspen baılanysta bolǵan joq.
Montsame habarlaýynsha, 16 naýryzda Mońǵolııanyń Densaýlyq saqtaý mınıstrligi 15-16 naýryz kúnderi Seýl-Ulanbatyr jáne Berlın-Máskeý-Ulanbatyr arnaıy reısterimen kelgen Mońǵolııanyń úsh azamatynan jańa tıptegi koronavırýstyń anyqtalǵan. Olar kelgen boıda koronavırýsqa tekserilip, statsıonarǵa jatqyzyldy.
