Mońǵolııada koronavırýs juqtyrǵan 15 adam tirkeldi
ULANBATYR. MONTsAME-QazAqparat – Mońǵolııada koronavırýs juqtyrdy dep tirkelgen 15 adamnyń barlyǵy basqa elderden kelgen, dep habarlaıdy QazAqparat MONTsAME agenttigine slteme jasap.
Mońǵolııanyń Infektsııalyq aýrýlardy ulttyq zertteý ortalyǵyndaǵy oqshaýlaǵyshyna jatqyzylǵan Túrkııa azamatynan koronavırýsqa alynǵan synama qorytyndysy oń nátıje kórsetti. Bul týraly búgin Mońǵolııa Densaýlyq saqtaý mınıstrliginiń brıfınginde ortalyqtyń dırektory D.Nıamhúú málim etti. Bul eldegi tirkelgen koronavırýsqa shaldyǵýdyń 15-shi oqıǵasy.
Eske sala keteıik, Túrkııa azamaty 28 naýryzda Mońǵolııanyń Ulanbatyr qalasyna charterlik reıspen kelgen. Ol Túrkııa Elshiligi qyzmetkeriniń jaqyny, onymen birge otbasynyń taǵy eki múshesi bolǵan. Olar kelgen kezde, birden oqshaýlaǵyshqa jabylǵan. 1 sáýirde Mońǵolııa DSM ekeýiniń koronavırýsqa shaldyqqanyn rastady, alty kún ótken soń, Túrkııanyń úshinshi azamatynan da indet anyqtalǵan.
6 sáýirdegi jaǵdaı boıynsha, Mońǵolııada jańa tıptegi koronavırýs juqtyrýdyń 15 oqıǵasy tirkeldi, 13 adam statsıonarda em qabyldap jatyr, taǵy ekeýi dertten jazylyp, úıine karantınge oqshaýlanǵan.
Búginde elde 248 adam dárigerlerdiń baqylaýynda. Aldaǵy kúnderi Tokıodan ushatyn charterlik reısten Mońǵolııanyń 184 azamaty evakýatsııalanady.
