Mońǵolııada qatań karantın merzimi taǵy 2 aptaǵa sozylmaq
Mońǵolııa Úkimetiniń 2021 jylǵy 8 sáýirdegi kezekten tys otyrysy barysynda 10-25 sáýir kezeńinde Mońǵolııadaǵy tótenshe jaǵdaıǵa ázirlik rejımin «qyzǵylt sary» zonadan «qyzyl» aımaqqa, ıaǵnı el aýmaǵynda qatań karantın rejımin engizý jóninde sheshim qabyldanǵan.
Mońǵolııanyń Densaýlyq saqtaý mınıstrligi osy eki aptalyq qatań karantın ýaqytynda Ulanbatyr qalasy turǵandarynan tolyq PTR testisin alyp, COVID-19 indetine qarsy ekpe jumysynyń qarqynyn kúsheıtýdi josparlaǵan bolatyn.
Alaıda, Mońǵolııada COVID-19 vırýsyn juqtyrǵan jáne qaıtys bolǵan adamdardyń sany kún saıyn ósýde. Máselen, 18-20 sáýir aralyǵynda Mońǵolııa amaǵynda 23 PTR test zerthanasy anyqtalǵan jaǵdaı kórsetkishi tómendegideı:
- 18 sáýirde koronavırýs ınfektsııasyn juqtyrǵandar sany – 1 340 adam, qaıtys bolǵan – 3 adam;
- 19 sáýirde koronavırýs ınfektsııasyn juqtyrǵandar sany – 889 adam, qaıtys bolǵan – 5 adam.
- 20 sáýirde koronavırýs ınfektsııasyn juqtyrǵandar sany – 1 311 adam, qaıtys bolǵan – 2 adam.
«Mońǵolııa aýmaǵynda koronavırýs ınfektsııasyn juqtyrǵan adamdardyń jalpy sany 23 621-ge jetse, onyń 20 857-si eldiń astanasy Ulanbatyr qalasynda tirkelgen jáne barlyǵy 51 adam qaıtys boldy. Qaıtys bolǵandardardyń jasy 34-75 aralyǵynda. Qazir 3 520 adam emdelip jatyr, onyń 63-iniń jaǵdaıy óte aýyr.
Joǵarydaǵy kórsetkishter bıylǵy aqpan-naýryz aılarymen salystyrǵanda (COVID-19 vırýsyna juqtyrǵan adamdar sany 300-400 boldy) 2 ese kóp, sondaı-aq atalǵan merzimde adam óliminiń sany 3 ese az bolatyn. Jaǵdaıdyń osylaısha ýshyǵýy mońǵol bıligin el aýmaǵynda karantındi kúsheıtýge jáne shekteý sharalaryn qaıta engizýge májbúrledi», delingen habarlamada.
Sonymen qatar, 19 sáýirden bastap Ulanbatyr qalasyndaǵy COVID-19 vırýsyna qarsy ekpe júrgizýdiń 34 ortalyǵynda 23 aqpannan bastap AstraZeneca ekpesiniń birinshi dozasyn qabyldaǵan adamdarǵa osy ekpeniń ekinshi dozasyn egý jumystary bastaldy.
Budan basqa, jergilikti bılik 1 mamyrdan bastap halyqaralyq áýe qatynastaryn qalpyna keltirý baǵytynda jumys isteýde. Qazirgi ýaqytta mamyr aıynda «MIAT», «Turkish Airlines», «Asiana Airlines», «Korean Air» jáne «Busan Air» áýe kompanııalary júzege asyratyn 16 arnaıy áýe reısiniń kestesi jarııalandy.
Koronavırýs indetine qatysty jaǵdaıdyń kún saıyn ýshyǵýyna baılanysty Mońǵolııanyń Densaýlyq saqtaý mınıstrligi el úkimetiniń qaraýyna qatań karantın merzimin taǵy 2 aptaǵa sozý jóninde usynys engizdi. Tıisti sheshim osy aptanyń sońyna qaraı qabyldanbaq.
