Mońǵolııada karantın 15 shildege deıin sozyldy

ULANBATYR. QazAqparat - Mońǵolııada karantın sharalary 15 shildege deıin jalǵasady, dep habarlaıdy QazAqparat Montsame agenttigine silteme jasap.

Elde koronavırýs ınfektsııasynyń taralýyna jol bermes úshin keshe, 30 maýsymda Memlekettik tótenshe jaǵdaı komıssııasy karantın merzimin 15 shildege deıin uzartý jónindek sheshim qabyldady.

Ulanbatyr qalasy ákiminiń orynbasary J. Batbaıasgalannyń aıtýynsha, qalada kópshilik is-sharalardy, demonstratsııa ótkizýge tyıym salynǵan. Bar, oıyn-saýyq mekemeleri men oıyn alańdarynyń jumysy toqtap tur.

Al balalardyń oıyn ortalyqtary men kınoteatrlar erekshe talaptardy saqtaı otyryp qana qyzmet kórsetedi.