Mońǵolııada qar barysyn saqtaý men qorǵaý boıynsha zertteýler sátti júrgizilip keledi
ASTANA. KAZINFORM — Samarqanda (Ózbekstan) Qar barysy men ekojúıeni qorǵaýdyń jahandyq baǵdarlamasynyń (GSLEP) Basqarý komıtetiniń segizinshi otyrysy ótti, dep habarlaıdy MONTsAME aqparat agenttigi.
Jıynǵa qar barysy mekendeıtin 12 eldiń úkimetteriniń atynan 80-nen astam delegat, tabıǵatty qorǵaý jónindegi halyqaralyq úkimettik jáne úkimettik emes uıymdardyń ókilderi jáne demeýshiler qatysty.
Mońǵolııa qar barysyn saqtaý men qorǵaý boıynsha zertteýlerin sátti júrgizip keledi. Bul baǵyttaǵy jumystar 2009 jyldan beri uzaq merzimdi zertteýlerge ulasqan.
Kezdesýde Mońǵolııanyń Qorshaǵan ortany qorǵaý mınıstrligine qarasty Tabıǵı resýrstar jáne tabıǵat paıdalanýdy retteý basqarmasynyń basshysy Ts.Ýranchımegtiń óz baıandamasynda atap ótkenindeı, 2018 jyly Mońǵolııa Dúnıejúzilik qar barysy popýlıatsııasyn zertteýge (PAWS) qatysqanyn, sonyń arqasynda eldegi popýlıatsııany anyqtaý (986±) múmkin boldy.
Eldiń Qorshaǵan ortany qorǵaý mınıstri B.Bat-Erdene beınerolıkte Mońǵolııa úkimetiniń qar barysy ekojúıesin qorǵaý jónindegi aldaǵy saıasattyq maqsattary týraly qysqasha baıandap berdi.
Qar barysy men onyń ekojúıelerin qorǵaý Jahandyq baǵdarlamasy Basqarýshy komıtetiniń otyrysy Ózbekstan prezıdentiniń qamqorlyǵymen ótti. Barystyń ekojúıesin saqtaý salasyndaǵy jetistikter men qıyndyqtardy sheshý joldaryn talqylaýmen qatar, barys mekendeıtin 12 eldiń úkimetteri sońǵy úsh jyldaǵy óz jumystaryn tanystyrdy, jaqyn arada maqsattardy belgiledi jáne negizgi mindettemelerdi belgileıtin Samarqan qararyn maquldady.
Eske sala keteıik, Qazaqstanda qansha qar barysy meken etetini týraly buǵan deıin habarlaǵan bolatynbyz.
