Mońǵolııada dzıýdoshy Otgontsetseg Galbadrah alǵashqylardyń biri bolyp daýys berdi, túske qaraı kelýshiler sany 86 paıyzdan asty (FOTO)
BEIJІŃ-ULAN-BATYR. QazAqparat - Jergilikti ýaqyt boıynsha 09.00-de (Astana ýaqyty boıynsha saǵat 07.00-de) Mońǵolııada QR Elshiliginde №231 saılaý ýchaskesinde birinshi bolyp kásipker Igor Moıseev pen tanymal dzıýdoshy Otgontsetseg Galbadrah daýys berdi. Eń jas saılaýshy alǵash ret daýys bergen 18 jastaǵy Zalına Kotıeva boldy.
Ýchaskeniń saılaý komıssııasynyń derekterine sáıkes saılaýshylar tizimi 112 adamnan turady. Saǵat 13.00-de 97 adam óz konstıtýtsııalyq quqyǵyn júzege asyrdy, ıaǵnı bul saılaýshylardyń 86 paıyzdan astamy.
Otgontsetseg Galbadrah saılaýǵa Qazaqstan ulttyq quramasynyń kıimimen keldi. Daýys bergen ol aldaǵy Rıo-do-Janeıroda ótetin Olımpıadaǵa QR olıpıadalyq quramasynyń múshesi retinde bekitilgenin qýana jetkizdi.
Eske salsaq, daryndy 24 jastaǵy dzıýdoshy 2015 jylǵy maýsymda QR azamattyǵyn aldy, ol Shymkentte jattyǵýda, 48 kelige deıin salmaq dárejesinde OQO quramasynyń múshesi.
2016 jylǵy aqpannyń basynda Parıj qalasynda Otgontsetseg Galbadrah iri halyqaralyq «Úlken dýlyǵa» týrnırinde sensatsııalyq jeńiske qol jetkizgen.
2016 jylǵy aqpannyń ortasynda Dıýsseldorf (Germanııa) qalasynda dzıýdo boıynsha álemdik gran-prı kezekti kezeńinde kúmis medal utty. Budan buryn 2015 jylǵy qarashada ol Tsındao qalasynda dzıýdo boıynsha kezekti gran-prıdiń kúmis júldegeri atanǵan.
