Mońǵolııada álemdegi qar barysynyń 20 paıyzy mekendeıdi
ULAN-BATYR. KAZINFORM — Mońǵolııada 1000-ǵa jýyq qar barysy bar, olar Mońǵol Altaıyn, Gov-Altaı aımaǵyn, Hangaı men Saıan taýlaryn qamtıtyn 328 myń sharshy shaqyrymdaı aýmaqta mekendeıdi. Demek, dúnıejúzindegi barystardyń jalpy sanynyń 20%-dan astamy Mońǵolııada ómir súredi. Bul týraly Montsame agenttigi jazdy.
Halyqaralyq qar barysy kúnine oraı dúnıe júzinde túrli kórmeler, konferentsııalar, semınarlar ótip, derekti fılmder kórsetilýedi. Sport pen óner áleminiń tanymal tulǵalary sırek kezdesetin ań túrin qorǵaýǵa jáne saqtaýǵa shaqyrady.
Bul is-sharalar barysty qorǵaý jáne onyń tabıǵı ortasyn saqtaý qajettiligine nazar aýdarýǵa baǵyttalǵan.
Al, buǵan deıin Qazaqstan aýmaǵynda tirshilik etetin ilbisterdiń sany jylyna 5-6 basqa kóbeıip kele jatqanyn jazǵan bolatynbyz. Muny Samarqanda ótip jatqan únemi qonys aýdaryp tirshilik etetin jabaıy janýar túrlerin saqtaý konventsııasynyń kezekti otyrysy (COP 14) aıasynda Zoologııa ınstıtýtyna qarasty qar barysyn baqylaý ortalyǵynyń basshysy Alekseı Grachev aıtqan edi.
