Mońǵolııada býbon obasynan alǵashqy ólim tirkeldi
BEIJІŃ. QazAqparat – Ýlanbatyrda júrgizilgen zerthanalyq taldaý Mońǵolııanyń ońtústik-batysyndaǵy Gov-Altaı aımaǵynda 15 jasar jasóspirim býbon obasynan qaıtys bolǵanyn rastady, dep habarlaıdy QazAqparat «Sınhýa» agenttigine silteme jasap.
«Dúısenbi kúni keshke PTR-test nátıjesi 15 jastaǵy bozbalanyń ólimine býbon obasy sebep bolǵanyn kórsetti», - dedi Mońǵolııa Densaýlyq saqtaý mınıstrliginiń ókili D.Narangerel.
Jasóspirim ótken jeksenbide aýrýhanaǵa kele jatqan jolda kóz jumdy. Qaıtys bolarynan úsh kún buryn ol dostarymen birge sýyr etinen jasalǵan taǵam jegen.
Eki dosy men baılanysta bolǵan 15 adam oqshaýlanyp, aýrýhanalarda em alyp jatyr.
Ólim tirkelýine baılanysty Mońǵolııanyń Gov-Altaı provıntsııasynyń bes somonynda jeksenbi kúni karantın engizilip, kólik qozǵalysy toqtatyldy.
Buǵan deıin Hovda aımaǵynda (Batys Mońǵolııa) býbon obasyn juqtyrǵan eki adam anyqtalǵan bolatyn.
Avtor: Rýslan Súleımenov
