Mońǵolııada birinshi toqsanda sheteldik týrıster sany 40%-ǵa artty

ASTANA. KAZINFORM — Bıylǵy jyldyń birinshi toqsanynda Mońǵolııaǵa baratyn sheteldik týrıster sany ótken jyldyń sáıkes kezeńimen salystyrǵanda 39%-ǵa kóbeıdi, dep habarlaıdy Montsame.

Osy kezeńde elge barlyǵy 143 431 týrıst barǵan, bul ótken jylmen salystyrǵanda 40 580 adamǵa kóp.

Ásirese naýryz aıynda ósim aıqyn baıqaldy: bul aıda elge 59 317 týrıst barǵan, ıaǵnı 2025 jyldyń naýryzymen salystyrǵanda 19 815 adamǵa nemese 50%-ǵa kóp.

Mońǵolııanyń Týrızm qaýymdastyǵynyń málimetinshe, sheteldik týrıster aǵynynyń turaqty ósýi búkil týrıstik salanyń birlesken jumysynyń nátıjesi sanalady.

Budan buryn habarlanǵandaı, Mońǵolııa azamattary endi AQSh vızasyn alý úshin kepildik tóleýge mindetti.

Sonymen qatar, Mońǵolııa 34 eldiń azamaty úshin vızasyz rejımdi jyl sońyna deıin uzartqany belgili boldy.