Mońǵolııada aptap ystyqta qatalap qalǵan aqqýlar qutqaryldy
ASTANA. QazAqparat - Mońǵolııanyń shyǵys óńirindegi birqatar kompanııalardyń qyzmetkerleri Dornod aımaǵynyń mańynda dalada aptap ystyqta shólden álsirep qalǵan qustar men jabaıy ańdardy qutqarý úshin jasandy sý qoımalaryn jasady.
Aptap ystyq pen qurǵaqshylyq saldarynan aýyz sýy turǵyndar ǵana emes jabaıy ańdarǵa da jetpeı jatyr, dep habarlaıdy eldiń MONTsAME agenttigi.
Ekologııalyq apattyń aldyn alý úshin birqatar kompanııalardyń qyzmetkerleri azamattyq bastama kóterip óz kúshterimen jabaıy ań men qustardy qutqarýǵa kiristi. Olar óz avtotsısternalaryn sýǵa toltyryp, ony uzaq ushýdan qatalap ári álsirep qalǵan aqqýlar bar jerge jetkizdi.
Qazirgi ýaqytta shyǵystaǵy aımaqtarda (oblystar) aýa temperatýrasy +33-38 gradýsqa kóterildi. Bul óńirlerde zeren (antılopa), buǵy, bulan, qarsaq jáne qabandar meken etedi.
