Mońǵolııada alǵash ret «Study in Kazakhstan» halyqaralyq bilim kórmesi ótti

Kórmeni uıymdastyrýǵa QR Ǵylym jáne joǵary bilim mınıstrligi, Mońǵolııanyń Bilim mınıstrligi jáne Qazaqstan Respýblıkasynyń Mońǵolııadaǵy elshiligi qatysty.

Іs-shara joǵary bilim men ǵylym salasyndaǵy ekijaqty yntymaqtastyqty nyǵaıtýdyń, sondaı-aq Mońǵolııa jastary arasynda Qazaqstannyń bilim berý jáne ǵylymı áleýetin tanytýdyń mańyzdy alańyna aınaldy.

Eki kún boıy kórmege akademııalyq baılanystardy keńeıtýge jáne halyqaralyq yntymaqtastyqty damytýǵa qyzyǵýshylyq tanytqan talapkerler, stýdentter, bilim berý uıymdarynyń jáne Mońǵolııanyń memlekettik organdarynyń ókilderi qatysty.

Kórme aıasynda qazaqstandyq jetekshi joǵary oqý oryndary bakalavrıat, magıstratýra jáne doktorantýra baǵdarlamalaryn, sondaı-aq ınjenerııa, aqparattyq tehnologııalar, jasandy ıntellekt, medıtsına, pedagogıka, bıznes jáne halyqaralyq qatynastar baǵyttary boıynsha zamanaýı bilim berý baǵdarlamalaryn usyndy.

Kelýshilerdiń erekshe qyzyǵýshylyǵyn akademııalyq utqyrlyq pen halyqaralyq almasý baǵdarlamalary, birlesken bilim berý baǵdarlamalary men qos dıplom baǵdarlamalary, memlekettik jáne halyqaralyq shákirtaqylar alý múmkindikteri, ǵylymı taǵylymdamalar men zertteý salasyndaǵy yntymaqtastyq perspektıvalary, sondaı-aq Qazaqstandaǵy oqýǵa túsý, turý jáne stýdenttik ómir sharttary týraly aqparat týdyrdy.

Kórmege qatysýshylar ýnıversıtet ókilderimen tikeleı baılanys ornatyp, oqýǵa túsý men bilim alý máseleleri boıynsha jeke keńes alýǵa, sondaı-aq qazaqstandyq joǵary oqý oryndarynyń ınfraqurylymymen, ǵylymı ortalyqtarymen jáne ınnovatsııalyq jobalarymen tanysýǵa múmkindik aldy.

Іs-shara aıasynda ýnıversıtetterdiń tanystyrylymdary, akademııalyq qaýymdastyq ókilderimen kezdesýler, ekijaqty kelissózder uıymdastyrylyp, Qazaqstan men Mońǵolııa joǵary oqý oryndary arasyndaǵy yntymaqtastyqty odan ári damytý perspektıvalary talqylandy.

Sonymen qatar qazaqstandyq delegatsııa Mońǵolııa memlekettik ýnıversıteti men University of Finance and Economy ýnıversıtetiniń kampýstaryna baryp, akademııalyq almasýdy, ǵylymı yqpaldastyqty damytý jáne birlesken bilim berý bastamalaryn iske asyrý perspektıvalaryn talqylady.

Kórmeniń ótýi Mońǵolııa tarapynyń qazaqstandyq joǵary bilimge degen joǵary qyzyǵýshylyǵyn aıqyndap, bilim, ǵylym jáne jastar saıasaty salalaryndaǵy Qazaqstan men Mońǵolııa arasyndaǵy seriktestikti nyǵaıtýdyń kezekti qadamy boldy.

Mońǵolııada ótken «Study in Kazakhstan» halyqaralyq kórmesi gýmanıtarlyq baılanystardy keńeıtýge, akademııalyq yntymaqtastyqty damytýǵa jáne qazaqstandyq bilimdi halyqaralyq deńgeıde ilgeriletýge yqpal etetin tıimdi alańǵa aınaldy.

Aıta ketelik Qazaqstandyq oqýshylar Grekııada ótken halyqaralyq robototehnıka chempıonatynda júldeger atanǵan edi.