Mońǵolııada alǵash ret ilbis pen aq barysty qorǵaý kúni atalyp ótti
ASTANA. QazAqparat - Mońǵolııa alǵash ret ilbis jáne aq barysty qorǵaý halyqaralyq kúnin atap ótti, dep habarlady «Mońǵolııa daýysy» agenttigi.
Buǵan deıin aq barys mekendeıtin 12 azııalyq memleketi byltyr Bishkekte ótken Búkilálemdik forýmy barysynda atalǵan ańdardy qorǵaý jáne saqtaý boıynsha Halyqaralyq kúndi atap ótý qajettegin kótergen.
Mońǵolııa atalǵan ıdeıany qolǵa alǵan alǵashqy elderdiń biri boldy. Qazirgi ýaqytta Mońǵolııa sany jaǵynan ilbis mekendeıtin elder arasynda Qytaıdan keıin ekinshi orynda tur.
Aıta ketý kerek, sońǵy jıyrma jylda Mońǵolııa úkimeti ańdardyń popýlıatsııasyn qorǵaý ári saqtaýda ónimdi jumystar atqaryp keledi.
