Mońǵolııada juttan 3,9 mıllıonnan astam mal qyryldy

ASTANA. KAZINFORM – Bıyl Mońǵolııa juttyń saldarynan 3,9 mıllıonnan astam malynan aıyryldy. Bul týraly eldiń Tótenshe jaǵdaılar jónindegi memlekettik komıssııasynyń hatshysy Tývshınsaıhany Baıarhý jergilikti BAQ ókilderine arnalǵan baspasóz máslıhatynda málimdedi,- dep jazdy Sınhýa agenttigi. 

Onyń aıtýynsha, maldyń qyrylýyna bıylǵy jut sebep bolǵan. Jergilikti bılik bul jaǵdaıdy aq jáne temir zýdy nemese qysqy jut dep ataǵan. 

Aq jáne temir zýdy – mal qar astynan tamaq taba almaı, ashtyq pen sýyqtan qyrylýǵa ákeletin tabıǵı apat.

Azyq-túlik, aýyl sharýashylyǵy jáne jeńil ónerkásip mınıstrliginiń málimeti boıynsha, 2023 jyldyń sońyna qaraı Mońǵolııada jalpy mal basy 9,1 paıyzǵa azaıyp, 64,7 mıllıon basty qurady.

Búginde mal sharýashylyǵy Mońǵolııa ekonomıkasynyń negizgi salasynyń biri, sonymen qatar 40 paıyzǵa jýyq tabys kózi bolyp otyr.