Mońǵolııada 30 eldiń úzdik sadaqshylary bas qosady

ASTANA. KAZINFORM — At ústindegi sadaq atýdan XVII álem chempıonaty alǵash ret Mońǵolııada ótedi, dep habarlaıdy Montsame.

Doda 21–23 tamyz aralyǵynda el astanasy Ulan-Batyr qalasynyń Nalaıh aýdanyndaǵy Taıjhaırhan taýynyń eteginde uıymdastyrylady.

Bul chempıonat erekshe mánge ıe, sebebi ol «Kóshpendi» dúnıejúzilik mádenı festıvaliniń basty is-sharalarynyń biri sanalady.

Baıqaýǵa álemniń 30-dan astam elinen eń úzdik sadaqshylar qatysady.

Sonymen qatar, dástúrli mońǵol ulttyq sadaq atý túri — «Býmbýg namnaa» — álem chempıonatynyń resmı saıysy retinde engizilgen.

Chempıonat mońǵol halqynyń biregeı mádenıeti men sportyn halyqaralyq deńgeıde nasıhattaýǵa jáne jastardyń qyzyǵýshylyǵyn arttyrýǵa baǵyttalǵan mańyzdy qadam bolmaq.

Jarysqa Mońǵolııanyń ulttyq chempıonattarynyń jeńimpazdary men álemdik reıtıngte joǵary orynda turǵan 15 úzdik sadaqshysy qatysady.

Sondaı-aq, halyqaralyq tóreshiler men jattyqtyrýshylar, At ústindegi sadaq atý boıynsha álemdik federatsııa ókilderi men qurmetti qonaqtar qatysady dep kútilip otyr.

Budan buryn habarlanǵandaı, Mońǵolııa 2025 jylǵy 1 shildeden bastap onlaın-qumar oıyndary men basqa da qumar oıyn túrlerine zańmen tolyq tyıym salǵan Azııadaǵy 22-shi el boldy.