Mońǵolııada 2050 jylǵa qaraı ár besinshi adam zeınet jasyna jetedi

ASTANA. KAZINFORM — Mońǵolııa halqy qurylymynda aıtarlyqtaı ózgerister bolyp jatyr. Qazir eńbekke qabiletti jastaǵy halyq sany artyp keledi, dep habarlaıdy Montsame.

Mońǵolııanyń Otbasy, eńbek jáne áleýmettik qorǵaý mınıstrligi BUU-nyń Halyq qonystanýy jónindegi qorymen (ıÝNFPA) birlesip «Teńdikti nyǵaıtý jáne teń quqyqty qatysý: Mońǵolııadaǵy urpaqaralyq jáne genderlik ekonomıkalyq syn-qaterler» taqyrybynda pikirtalas uıymdastyrdy.

Pikirtalas barysynda Mońǵolııa halqy qurylymynda aıtarlyqtaı ózgerister bolyp jatqany atap ótildi. Elde eńbekke qabiletti jastaǵy halyq sany artyp keledi. Óz kezeginde bul — demografııalyq dıvıdendterdi tıimdi paıdalaný úshin qolaıly múmkindik. Mundaı demografııalyq terezeler dep atalatyn kezeńderde eńbekke qabiletti turǵyndardyń úlesi joǵary bolady. Zertteý nátıjesine sáıkes, bul múmkindik uzaqqa sozylmaıdy: 2050 jylǵa qaraı ár besinshi turǵyn qartaıǵan nemese zeınet jasyna jetken adam bolmaq.

Halyq qurylymynyń ózgerýine baılanysty ulttyq transferttik shot júıesi qoldanylady. Ulttyq transferttik shottar (UTSh) — urpaqtar arasyndaǵy ekonomıkalyq aǵyndardy ólsheý men taldaýǵa, sondaı-aq bul aǵyndardyń el ekonomıkasyna áserin baǵalaýǵa arnalǵan qural.

Taıland Koroldigi áleýmettik qamsyzdandyrý júıesin ońtaılandyrýǵa erekshe nazar aýdaryp otyr, al fılıppınder halyqtyń qartaıýymen kúres strategııasyn jetildirýde ulttyq transferttik shot júıesin paıdalanady.

Buǵan deıin Mońǵolııanyń Uly memlekettik hýralynyń (parlament) plenarlyq otyrysynda jańa úkimet músheleri ant qabyldaǵany habarlandy.