Mońǵolııada 2026 jyl bilim berýdi qoldaý jyly dep jarııalandy
ASTANA. KAZINFORM — Mońǵolııa úkimeti 2 sáýirdegi kezekti otyrysynda 2026 jyldy bilim berýdi qoldaý jyly dep jarııalaý týraly sheshim qabyldady, dep habarlaıdy Montsame.
Osyǵan baılanysty Bilim mınıstri Pýrevsýrengıın Naranbaıar Úkimettiń sheshimi Mońǵolııa Parlamenti 2023 jyly qabyldaǵan bilim berý salasyndaǵy zańdar paketin is júzinde júzege asyrýǵa erekshe serpin beretinin atap ótti.
— Eń bastysy, atalǵan zańdar balabaqshalar men mektepterdiń qoljetimdiligin kúrt arttyrý úshin naqty qoldaý sharalarymen qamtylǵan. Aǵymdaǵy baǵalaýlar boıynsha 2030 jylǵa qaraı elde 88 myń bala dúnıege keledi. Bul balalarǵa 108 mektep pen 95 balabaqsha qajet, — dep túsindirdi Bilim mınıstri.
Budan bólek, Pýrevsýrengıın Naranbaıar qabyldanǵan sheshim úkimet jarııalaǵan 14 megajobanyń iske asyrylýyna yqpal etedi jáne adamı resýrstardy qalyptastyrady.
Osydan buryn 2024 jyly Mońǵolııanyń jalpy syrtqy qaryzy 37,1 mlrd AQSh dollaryn qurap, 7,4 paıyzǵa ulǵaıǵanyn jazǵan edik.