Mońǵolııa Jańa jyly - Shaǵan merekesin bıyl da toılamaıdy
ULANBATYR. MONTsAME-QazAqparat – Mońǵolııa koronavırýsqa baılanysty ulttyq jańa jyly - Shaǵan merekesin bıyl da toılamaıtyn boldy, dep habarlaıdy QazAqparat MONTsAME agenttigine silteme jasap.
Keshe eldiń Mınıstrler kabınetiniń otyrysyn qorytyndylaı kele, vıtse-premer ıA.Sodbaatar bıyl koronavırýstyń taralýyn azaıtý úshin Aı kúntizbesi boıynsha jańa jyl — Shaǵan ulttyq merekesin toılaýǵa qatysty barlyq qoǵamdyq shara toqtatylǵanyn aıtty.
«2019 jylǵy jeltoqsan aıynyń sońynda kórshi Qytaıda alǵash ret koronavırýstyń jańa túri SARS-CoV-2 paıda bolyp, órshýin eskere otyryp, ótken jyly bir ret «Tsagaan sar» merekesi ótkizilmedi jáne bul joly da ony toqtatý týraly sheshim qabyldandy», — dep atap ótti ıA.Sodbaatar.
Shaǵan - býddıstik mereke, Aı kúntizbesi boıynsha kóktemniń basy jáne Jańa jyl bolyp sanalady.
«Álemde Covid-19 pandemııasynyń taralýyna baılanysty kóptegen Eýropa eli Rojdestvo jáne Jańa jylǵa baılanysty buqaralyq is-sharalardy toılamady. Birshama Azııa elderi aı kúntizbesi boıynsha dástúrli Jańa jyl merekesin atap ótpeýge jáne kóptegen adamdy bir jerge jınamaý jóninde sheshim qabyldady», - dedi ıA.Sodbaatar.
