Mońǵolııa jan basyna shaqqandaǵy plastık qaldyqtary boıynsha álemde kósh bastap tur

ASTANA. KAZINFORM — Mońǵolııadaǵy otandyq kásiporyndar jylyna shamamen 10 000 tonna plastık qaldyqtaryn qaıta óńdeıdi, dep habarlaıdy Montsame.

Eldegi qaıta óńdeý kásiporyndarynyń jobalyq qýattylyǵy jylyna 18 500 tonna plastıkti quraǵanymen, is júzinde sonyń tek 10 000 tonnaǵa jýyǵy ǵana óńdeledi.

Bul qaldyqtardy qaıta óńdeý salasyndaǵy óndiristik múmkindikterdiń tolyq paıdalanylmaı otyrǵanyn kórsetedi.

Qorshaǵan orta jáne klımattyń ózgerýi mınıstrliginiń derekterine sáıkes, Mońǵolııa jan basyna shaqqandaǵy plastık qaldyqtarynyń kólemi boıynsha álemde birinshi orynda tur. Mundaı jaǵdaıdyń negizgi sebepteri — qatty turmystyq qaldyqtardy suryptaý júıesiniń jetkilikti damymaýy, ekinshi shıkizat jetkiziliminiń turaqsyzdyǵy jáne turǵyndardyń belsendiliginiń tómendigi.

Osy jaǵdaıda aldaǵy kezeńde eń tıimdi ári júzege asyrýǵa bolatyn sheshim — qaldyqtardy bólek jınaý boıynsha halyqty keshendi túrde aqparattandyrý baǵdarlamasyn engizý jáne bir rettik plastıkti paıdalanýdy kezeń-kezeńimen qysqartý.

Jyl saıyn elde 2,9–3,7 mıllıon tonna qatty qaldyq túziledi. Onyń 1,4–1,5 mıllıon tonnasy Ulan-Batar qalasyna tıesili.

Budan buryn habarlanǵandaı, Qazaqstan Mońǵolııaǵa taýarlardy kedendik bajsyz eksporttaıdy.