Mońǵolııa ıÝNESKO qoldaýymen ulttyq atlasyn tsıfrlandyrdy
ASTANA. KAZINFORM — Mońǵolııa Ǵylym akademııasynyń Geografııa jáne geoekologııa ınstıtýty ıÝNESKO-nyń qatysý baǵdarlamasynyń qoldaýymen «Mońǵolııanyń Ulttyq elektrondy atlasy» jobasyn júzege asyryp, ony keń jurtshylyqqa qoljetimdi etti, dep jazady Montsame.
Mońǵolııanyń Ulttyq atlasy — eldiń ómiri, tarıhy, mádenıeti men geografııasy týraly jan-jaqty ǵylymı jáne tanymdyq aqparatty qamtıtyn mańyzdy basylym. Onda aýmaq, ákimshilik bólinis, tabıǵı jaǵdaılar, resýrstar, halyq, tarıh, mádenıet, qoǵam jáne ekonomıka týraly málimetter jınaqtalǵan.
Elektrondy atlas bes negizgi bólimge toptastyrylǵan 132 taqyryptyq keskindi qamtıdy jáne ol mońǵol jáne aǵylshyn tilderinde daıyndalǵan. Árbir keskinniń avtorlary men ony dáıekteý úlgisi kórsetilgen. Sonymen qatar atlasta 1990, 2009 jáne 2022 jyldary jaryq kórgen «Mońǵolııanyń Ulttyq atlasynan» alynǵan qysqasha mazmundar jáne olardy ázirleýge qatysqan redaktsııalyq alqa músheleri týraly aqparat bar.
Bul basylymdar qoldanýshynyń ornalasqan jerine, jasyna, jynysyna, ultyna nemese ekonomıkalyq jaǵdaıyna qaramastan, barlyǵyna ashyq. Joba — biregeı ǵylymı aqparatty qoljetimdi etip, halyqaralyq ǵylymı yntymaqtastyqty keńeıtýge yqpal etetin mańyzdy bastama.
Atalǵan jobany júzege asyrý — ıÝNESKO-nyń ashyq ǵylym jónindegi usynymdaryn oryndaýǵa qosylǵan eleýli úles. Bul usynymdar ártúrli tilderde ǵylymı bilimdi erkin taratý men aqparat almasýdy damytýǵa baǵyttalǵan.
Atlastyń tanystyrylymyna Mońǵolııadaǵy ıÝNESKO isteri jónindegi Ulttyq komıssııanyń Bas hatshysy S. Boldsaıhan, Parlament depýtaty jáne akademık D. Regdel, Ekonomıka jáne damý mınıstrliginiń ǵylym, tehnologııa jáne ınnovatsııa saıasatyn úılestirý basqarmasynyń basshysy D. Battogtoh, Mońǵolııa Ulttyq ýnıversıtetiniń oqytýshysy, PhD doktory Saınbýıan, Gıdrometeorologııa, ekologııalyq zertteýler jáne aqparat ınstıtýtynyń ǵylymı hatshysy, PhD doktory P. Gombolýdev, sondaı-aq Geografııa jáne geoekologııa ınstıtýtynyń aǵa ǵylymı qyzmetkeri, PhD doktor J. Oıýýngerel qatysty.
Aıta ketý kerek, álemniń kóptegen elinde ulttyq atlastar eldiń eltańbasy, týy jáne ánuranymen qatar memlekettik maqtanyshtyń sımvoly bolyp sanalady. Qazirgi ýaqytta 70-ten astam eldiń ulttyq atlastary bar, olardyń shamamen 20-sy elektrondyq formatta usynylǵan.
Budan buryn Mońǵolııada 2050 jylǵa qaraı ár besinshi adam zeınet jasyna jetetini aıtyldy.