Mońǵolııa úkimeti «Shyńǵyshan» halyqaralyq áýejaıynyń ataýyn ózgertti
ULANBATYR. MONTsAME – QazAqparat – Mońǵolııa astanasy Ulanbatyrdaǵy «Shyńǵyshan» halyqaralyq áýejaıynyń ataýy resmı túrde «Býıant-Ýhaa» bolyp ózgertildi, dep habarlaıdy QazAqparat montsame agenttigine silteme jasap.
«Úkimettiń 2019 jyldyń 18 jeltoqsanyndaǵy №455 qaýlysyna sáıkes, el astanasyndaǵy «Shyńǵyshan» halyqaralyq áýejaıy 1 shildeden resmı túrde «Býıant-Ýhaa» áýejaıy bolyp atalady», - delingen aqparatta.
«Býıant-Ýhaa» áýejaıy halyqaralyq jáne óńirlik reıster úshin rezervti áýejaı retinde qoldanylady. Sondaı-aq avıatsııalyq daıyndyq jáne bilim berý, charterlik reıster, avıalaınerlerge qyzmet kórsetý jáne azamattyq avıatsııanyń ózge de qyzmetteri úshin paıdalanylatyn bolady.
«Hýshıg alqabynda jańa áýejaı resmı iske qosylǵanǵa deıin «Býıant-Ýhaa» óz qyzmetin qalypty rejımde atqara beretin bolady. Qazirgi ýaqytta MIAT ulttyq áýe tasymaldaýshysy «Býıant-Ýhaamen» shet memleketterden azamattardy qaıtarý boıynsha charterlik reıster atqarýda. Al Hýnný eır, Aeromońǵolııa avıakompanııalary keste boıynsha baǵyttardy oryndaýda», - dep jazady agenttik.
